சிங்கள மொழியிலான காலை ஆராதனையும், வரவேற்பு நிகழ்வும்..!

 

𝐌𝐈𝐇𝐑𝐀𝐉 𝐍𝐄𝐖𝐒 𝐒𝐑𝐈 𝐋𝐀𝐍𝐊𝐀

சிங்கள மொழியிலான காலை ஆராதனையும், வரவேற்பு நிகழ்வும்..!

கல்முனை இஸ்லாமாபாத் முஸ்லிம் மகா வித்தியாலய பாடசாலையில் வாரம் தோறும் நடைபெற்றுவரும் மும்மொழிகளினாலான காலை ஆராதனையில் இவ்வாரத்திற்கான ஆராதனை முற்று முழுதாக சிங்கள மொழியில் நடைபெற்றது.

2025.10.13 திங்கட் கிழமை பாடசாலை அதிபர் திரு ஏ.ஜீ.எம். றிசாத் அவர்களின் தலைமையில் இடம்பெற்ற இக்காலை ஆராதனை சிங்கள மொழிக்குப் பொறுப்பான ஆசிரியை திருமதி. ஏ.பீ .கைஸ் அவர்களின் நெறியாள்கையில் நடைபெற்றமை குறிப்பிடத்தக்கது. மாணவர்களின் அனைத்து நிகழ்வுகளும் சிங்கள மொழியிலேயே நடைபெற்றன.

மேலும் நிகழ்வின் போது பாடசாலை ஒழுக்காற்று குழுவினரால் வகுப்புத் தலைவர்களுக்கான சின்னங்களும், வெளிச்செல்லும் அனுமதி அட்டைகளும் வழங்கி வைக்கப்பட்டன.

அத்தோடு அட்டாளைச்சேனை, தாளங்குடா கல்வியியற் கல்லூரிகளில் இருந்து கட்டுறுப் பயிலுனர்களாக வருகைதந்த ஒன்பது ஆசிரிய மாணவர்களும் பாடசாலையின் அதிபர் திரு.ஏ.ஜீ.எம்.றிசாத் அவர்களினால் வரவேற்கப்பட்டு கற்றல், கற்பித்தல் செயற்பாடுகளுக்குள் இணைத்துக் கொள்ளப்பட்டனர்.

www.mihrajnews.com

ɴᴇᴡs ᴇᴅɪᴛᴏʀ எஸ்என்.ஹஸ்மி

✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்