Ad 728x90
Ad 728x90
Ad 728x90

Thursday, November 19, 2026

முடங்கியது தென்கிழக்குப் பல்கலைக்கழகம்…!

முடங்கியது தென்கிழக்குப் பல்கலைக்கழகம்…!

 


🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉 முடங்கியது தென்கிழக்குப் பல்கலைக்கழகம்…!


✅👉 2027 வரவு–செலவுத் திட்டத்தில் ஊழியர்களின் சம்பள முரண்பாடுகளுக்கு தீர்வில்லை – 20% கொடுப்பனவு, மேலதிக நேரக் கொடுப்பனவு உள்ளிட்ட கோரிக்கைகளை முன்வைத்து தொழிற்சங்கங்கள் அதிரடி வேலைநிறுத்தம்…!


✍️ நூருல் ஹுதா உமர்


𝐑𝐄𝐀𝐃 𝐌𝐎𝐑𝐄 👇👇👇…………………………..


✅👉 தென்கிழக்குப் பல்கலைக்கழகம் உள்ளிட்ட நாட்டிலுள்ள அரச பல்கலைக்கழகங்களின் ஊழியர்கள் எதிர்நோக்கும் நீண்டகால சம்பள முரண்பாடுகள் மற்றும் கொடுப்பனவு பிரச்சினைகளுக்குத் தீர்வு வழங்கப்படாத நிலையில், அரசாங்கத்திற்கு எதிராக தொழிற்சங்கங்கள் முன்னெடுத்த ஒருநாள் அடையாள வேலைநிறுத்தப் போராட்டத்தினால் தென்கிழக்குப் பல்கலைக்கழகத்தின் வழமையான நிர்வாக மற்றும் சேவை நடவடிக்கைகள் இன்று (18.11.2026) பெரிதும் பாதிக்கப்பட்டன.


2027ஆம் ஆண்டுக்கான வரவு–செலவுத் திட்டத்தில் பல்கலைக்கழக ஊழியர்களின் நீண்டகால சம்பளப் பிரச்சினைகளுக்கு உரிய தீர்வு முன்வைக்கப்படவில்லை எனக் குற்றஞ்சாட்டி, 20 சதவீதக் கொடுப்பனவு, மேலதிக நேரக் கொடுப்பனவு மற்றும் சம்பள முரண்பாடுகளைத் தீர்த்தல் உள்ளிட்ட கோரிக்கைகளை முன்வைத்து இந்தப் போராட்டம் முன்னெடுக்கப்பட்டது.


தென்கிழக்குப் பல்கலைக்கழக நிறைவேற்று உத்தியோகத்தர்கள் சங்கம் (SEUEOA), தென்கிழக்குப் பல்கலைக்கழக ஊழியர் சங்கம் (SEUEU), பல்கலைக்கழக தொழிற்சங்கக் கூட்டுக் குழு (UTUJC) மற்றும் பல்கலைக்கழகங்களுக்கு இடையிலான தொழிற்சங்க சம்மேளனம் (Inter University Trade Union Federation) ஆகியவற்றின் ஒருங்கிணைப்பில் நாடளாவிய ரீதியில் இவ்வடையாள வேலைநிறுத்தம் இடம்பெற்றது.


2027ஆம் ஆண்டுக்கான தேசிய வரவு–செலவுத் திட்ட முன்மொழிவுகளில் பல்கலைக்கழக ஊழியர்கள் நீண்டகாலமாக எதிர்நோக்கும் சம்பள முரண்பாடுகள் மற்றும் கொடுப்பனவு தொடர்பான பிரச்சினைகளுக்குப் போதிய தீர்வுகள் முன்வைக்கப்படவில்லை என தொழிற்சங்கங்கள் சுட்டிக்காட்டியுள்ளன.


குறிப்பாக, அரச பல்கலைக்கழகங்களில் பணியாற்றும் கல்விசாரா ஊழியர்களின் சம்பள முரண்பாடுகளைத் தீர்ப்பதற்கான நடவடிக்கைகள், 20 சதவீதக் கொடுப்பனவு தொடர்பான பிரச்சினைகள் மற்றும் மேலதிக நேரப் பணிக்கான கொடுப்பனவுகள் ஆகியவற்றில் அரசாங்கம் உரிய கவனம் செலுத்தவில்லை என தொழிற்சங்கங்கள் குற்றஞ்சாட்டுகின்றன.


ஊழியர்களின் சம்பள அதிகரிப்பு மற்றும் பல்வேறு கொடுப்பனவுகள் தொடர்பில் தொழிற்சங்கங்களால் முன்வைக்கப்பட்ட கோரிக்கைகள் நீண்டகாலமாகப் பரிசீலனைக்கு உட்படுத்தப்பட்ட போதிலும், நடைமுறையில் ஊழியர்களுக்கு நிவாரணம் வழங்கக்கூடிய உறுதியான தீர்வுகள் முன்வைக்கப்படவில்லை என்றும் அவர்கள் தெரிவிக்கின்றனர்.


பல்கலைக்கழக ஊழியர்களின் நீண்டகால கோரிக்கைகளில் ஒன்றாகக் காணப்படும் 20 சதவீதக் கொடுப்பனவு தொடர்பான பிரச்சினைக்கு உரிய தீர்வு வழங்கப்பட வேண்டும் என்பதுடன், மேலதிக நேரப் பணிகளுக்கான கொடுப்பனவுகளிலும் நிலவும் சிக்கல்கள் தீர்க்கப்பட வேண்டும் என தொழிற்சங்கங்கள் வலியுறுத்தியுள்ளன.


நீண்டகாலமாகத் தீர்க்கப்படாமல் தொடரும் சம்பள முரண்பாடுகள், கொடுப்பனவுகள் மற்றும் ஊழியர்களின் உரிமைகள் தொடர்பான பிரச்சினைகள் காரணமாக பல்கலைக்கழக ஊழியர்கள் மத்தியில் அதிருப்தி அதிகரித்து வருவதாகவும் சுட்டிக்காட்டப்பட்டுள்ளது.


இன்றைய தொழிற்சங்கப் போராட்டத்தின் காரணமாக தென்கிழக்குப் பல்கலைக்கழகத்தின் சில நிர்வாகச் செயற்பாடுகள் மற்றும் ஏனைய வழமையான சேவைகள் பாதிக்கப்பட்டன.


ஊழியர்கள் வேலைநிறுத்தத்தில் ஈடுபட்டதன் விளைவாக பல்கலைக்கழகத்தின் அன்றாட நிர்வாக நடவடிக்கைகள் மற்றும் சேவை வழங்கும் செயற்பாடுகளில் இடையூறுகள் ஏற்பட்டதுடன், பல்கலைக்கழகத்தின் வழமையான செயற்பாடுகளும் பாதிப்புக்குள்ளாகின.


பல்கலைக்கழக ஊழியர்களின் சம்பள முரண்பாடுகள் மற்றும் கொடுப்பனவுகள் தொடர்பான பிரச்சினைகளுக்கு உடனடி தீர்வு வழங்கப்பட வேண்டும் என்பதை வலியுறுத்தும் வகையில் இந்த அடையாள வேலைநிறுத்தம் முன்னெடுக்கப்பட்டது.


தென்கிழக்குப் பல்கலைக்கழகத்தில் முன்னெடுக்கப்பட்ட இன்றைய அடையாள வேலைநிறுத்தப் போராட்டத்திற்கு தென்கிழக்குப் பல்கலைக்கழக ஊழியர் சங்கத்தின் தலைவர் சி.எம். அகமட் முனாஸ் மற்றும் தென்கிழக்குப் பல்கலைக்கழக நிறைவேற்று உத்தியோகத்தர் சங்கத்தின் தலைவர் ஏ.ஆர்.எம். சுல்பி ஆகியோர் தலைமை தாங்கினர்.


பல்கலைக்கழக ஊழியர்களின் நீண்டகால சம்பள முரண்பாடுகள் மற்றும் கொடுப்பனவுகள் தொடர்பான பிரச்சினைகளுக்கு அரசாங்கம் உரிய தீர்வை வழங்க வேண்டும் என தொழிற்சங்கத் தலைவர்கள் வலியுறுத்தினர்.


2027ஆம் ஆண்டுக்கான வரவு–செலவுத் திட்டத்தில் பல்கலைக்கழக ஊழியர்களின் கோரிக்கைகள் போதியளவில் கவனிக்கப்படவில்லை என்ற அதிருப்தி தற்போது தொழிற்சங்கப் போராட்டமாக வெளிப்பட்டுள்ள நிலையில், அரசாங்கம் இப்பிரச்சினைகளுக்குத் தீர்வு காண உடனடியாக நடவடிக்கை எடுக்குமா என்ற கேள்வி எழுந்துள்ளது.


தொழிற்சங்கங்களின் கோரிக்கைகளுக்கு உரிய பதில் வழங்கப்படாவிட்டால், எதிர்காலத்தில் இதைவிடத் தீவிரமான தொழிற்சங்க நடவடிக்கைகள் முன்னெடுக்கப்படுமா என்பதும் பல்கலைக்கழகச் சமூகத்தின் மத்தியில் எதிர்பார்ப்பையும் கவலையையும் ஏற்படுத்தியுள்ளது.


சம்பள முரண்பாடுகளுக்கு தீர்வு, 20 சதவீதக் கொடுப்பனவு, மேலதிக நேரக் கொடுப்பனவுகள் உள்ளிட்ட ஊழியர்களின் அடிப்படை கோரிக்கைகளுக்கு அரசாங்கம் உரிய பதில் வழங்க வேண்டிய கட்டாயம் ஏற்பட்டுள்ள நிலையில், இன்றைய ஒருநாள் அடையாள வேலைநிறுத்தம் பல்கலைக்கழக நிர்வாகச் செயற்பாடுகளை முடக்கி, ஊழியர்களின் அதிருப்தியை வெளிப்படுத்திய முக்கிய தொழிற்சங்க நடவடிக்கையாக அமைந்துள்ளது.


🌎 www.mihrajnews.com


✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்

மீண்டும் ஒருமுறை தங்களுக்கு எமது மனமார்ந்த நன்றிகளைத் தெரிவித்துக் கொள்கின்றோம்...!

மீண்டும் ஒருமுறை தங்களுக்கு எமது மனமார்ந்த நன்றிகளைத் தெரிவித்துக் கொள்கின்றோம்...!

 


📌 𝐌𝐈𝐇𝐑𝐀𝐉 𝐍𝐄𝐖𝐒 ✍️ 𝐒𝐑𝐈 𝐋𝐀𝐍𝐊𝐀 🇱🇰


✅👉 மீண்டும் ஒருமுறை தங்களுக்கு எமது மனமார்ந்த நன்றிகளைத் தெரிவித்துக் கொள்கின்றோம்...!


✍️ எஸ். சினீஸ் கான்


𝐑𝐄𝐀𝐃 𝐌𝐎𝐑𝐄 👇👇👇………………………


✅👉 நாடாளுமன்றத்தில் தாங்கள் மேற்கொண்ட தலையீடு, ஒட்டுமொத்த மாணவர் சமூகத்திற்கும் பெரும் பலத்தையும் நம்பிக்கையையும் அளித்துள்ளது. எமது கவலைகள் நாட்டின் உயர்மட்டத்தில் செவிமடுக்கப்படுகின்றன என்பதையும், இலங்கையில் சமூகப் பணிக் கல்வியின் எதிர்காலத்திற்கு உரிய கவனம் செலுத்தப்படுகின்றது என்பதையும் தங்களது நடவடிக்கை எமக்கு உறுதிப்படுத்தியுள்ளது.


NISD மாணவர்களின் நலனில் தாங்கள் தொடர்ந்து வெளிப்படுத்தி வரும் ஆதரவையும் அர்ப்பணிப்பையும் மாணவர் ஒன்றியம் மிகவும் உயர்வாக மதிக்கின்றது. இந்த இணைப்பு நடவடிக்கை வெற்றிகரமாக நிறைவடையும் வரை தங்களது தொடர்ச்சியான ஆதரவையும் தலையீட்டையும் வழங்குமாறு பணிவுடன் கேட்டுக்கொள்கின்றோம்.


எமக்காகத் துணைநின்று, எமது பிரச்சினைகளை நாடாளுமன்றத்தில் குரலெழுப்பியமைக்காக மீண்டும் ஒருமுறை தங்களுக்கு எமது மனமார்ந்த நன்றிகளைத் தெரிவித்துக் கொள்கின்றோம்.


நன்றியுடன்,


மாணவர் ஒன்றியம்,

தேசிய சமூக அபிவிருத்தி நிறுவனம் (NISD)


(NISD மாணவர் ஒன்றியம் பாராளுமன்ற உறுப்பினர் கலாநிதி எம்.எல்.ஏ.எம் ஹிஸ்புல்லாஹ் அவர்களுக்கு நன்றி தெரிவிப்பு)


🌎 www.mihrajnews.com


✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்

ஹிஸ்புல்லாஹ்வின் கோரிக்கைக்கு பிரதமர் பச்சைக்கொடி: NISD நிறுவனத்தை அரச பல்கலைக்கழகத்துடன் இணைக்க நடவடிக்கை…!

ஹிஸ்புல்லாஹ்வின் கோரிக்கைக்கு பிரதமர் பச்சைக்கொடி: NISD நிறுவனத்தை அரச பல்கலைக்கழகத்துடன் இணைக்க நடவடிக்கை…!

 


🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉 ஹிஸ்புல்லாஹ்வின் கோரிக்கைக்கு பிரதமர் பச்சைக்கொடி: NISD நிறுவனத்தை அரச பல்கலைக்கழகத்துடன் இணைக்க நடவடிக்கை…!


✅👉"ஹிஸ்புல்லாஹ்வின் முயற்சிக்கும் பிரதமர் பாராட்டு"…!


✍️ எஸ். சினீஸ் கான்


𝐑𝐄𝐀𝐃 𝐌𝐎𝐑𝐄 👇👇👇…………………………….


✅👉 தேசிய சமூக அபிவிருத்தி நிறுவனத்தை (NISD) இலங்கையின் அரச பல்கலைக்கழகமொன்றுடன் இணைப்பதற்கான நடவடிக்கைகளை முன்னெடுக்கவுள்ளதாகப் பிரதமர் உறுதியளித்துள்ளார்.


இவ்விடயம் தொடர்பாக மட்டக்களப்பு மாவட்ட பாராளுமன்ற உறுப்பினர் கலாநிதி எம்.எல்.ஏ.எம். ஹிஸ்புல்லாஹ் இன்று (18) பாராளுமன்றத்தில் உரையாற்றி, அரசாங்கத்திடம் கோரிக்கையொன்றை முன்வைத்தார்.


சமூகப்பணிக் கல்வி, சமூக அபிவிருத்தி மற்றும் சமூக சேவைத் துறைகளில் முக்கிய பங்காற்றிவரும் தேசிய சமூக அபிவிருத்தி நிறுவனம், சுமார் 15 வருடங்களாக இந்நிறுவனத்தை அரச பல்கலைக்கழகமொன்றுடன் இணைப்பதற்கான முயற்சிகள் நடைபெற்றுவருவதுடன் அது சாத்தியப்படவில்லை, இதனை பல்கலைக்கழகத்துடன் இணைப்பதன் மூலம் சமூகப்பணிக் கல்வியின் தரத்தை உயர்த்துவதுடன், கல்வி மற்றும் ஆராய்ச்சி வாய்ப்புகளை விரிவுபடுத்தவும், மாணவர்களின் உயர்கல்வி மற்றும் தொழில்முறை முன்னேற்றத்தை வலுப்படுத்தவும் முடியும் என அவர் சுட்டிக்காட்டினார்.


மேலும், இந்நிறுவனத்தின் கல்வித் தகைமைகளை சர்வதேச ரீதியில் அங்கீகரிக்கச் செய்வதன் ஊடாக, பட்டதாரிகள் வெளிநாடுகளிலும் தொழில்வாய்ப்புகளைப் பெற்றுக்கொள்வதற்கான வாய்ப்புகள் அதிகரிக்கும் எனக் குறிப்பிட்ட அவர், இதற்குத் தேவையான நடவடிக்கைகளை அரசாங்கம் துரிதமாக முன்னெடுக்க வேண்டும் என வலியுறுத்தியதுடன், இதுவரை வெளியான மாணவர்களுக்கு உரிய அங்கீகாரம் கிடைக்கவில்லை எனவும் குறிப்பிட்டார்.


அதேவேளை, தேசிய சமூக அபிவிருத்தி நிறுவனத்தை அரச பல்கலைக்கழகமொன்றுடன் இணைப்பதற்குத் தற்போதைய அரசாங்கம் முன்னெடுத்து வரும் முயற்சிகளுக்குத் தனது பாராட்டுக்களையும் கலாநிதி ஹிஸ்புல்லாஹ் இதன்போது தெரிவித்தார்.


இதற்குப் பதிலளித்த பிரதமர், பாராளுமன்ற உறுப்பினர் முன்வைத்த கோரிக்கையை வரவேற்றதுடன், இவ்விடயத்தை அமைச்சரவையின் கவனத்திற்குக் கொண்டு சென்று, தேசிய சமூக அபிவிருத்தி நிறுவனத்தை அரச பல்கலைக்கழகத்துடன் இணைப்பதற்கான நடவடிக்கைகளை துரிதப்படுத்த முயற்சிப்பதாக உறுதியளித்தார்.


மேலும், இவ்விடயத்தில் கலாநிதி ஹிஸ்புல்லாஹ் மேற்கொண்ட முயற்சியையும் பிரதமர் பாராட்டியமை குறிப்பிடத்தக்கது.


இவ்விடயம் தொடர்பில் மாணவர்களது நலன் கருதி பாராளுமன்ற உறுப்பினர் கலாநிதி எம்.எல்.ஏ.எம் ஹிஸ்புல்லாஹ் தொடர்ச்சியாக பாராளுமன்றத்திலும் வெளியிலும் குரல்கொடுத்து வருவது குறிப்பிடத்தக்கது.


-- ஊடகப்பிரிவு


🌎 www.mihrajnews.com


✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்

மாணவர் தலைவர்களுக்கு வீதிப் போக்குவரத்து ஒழுங்கு விதிகள் தொடர்பான விழிப்புணர்வு செயலமர்வு…!

மாணவர் தலைவர்களுக்கு வீதிப் போக்குவரத்து ஒழுங்கு விதிகள் தொடர்பான விழிப்புணர்வு செயலமர்வு…!

 


🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉மாணவர் தலைவர்களுக்கு வீதிப் போக்குவரத்து ஒழுங்கு விதிகள் தொடர்பான விழிப்புணர்வு செயலமர்வு…!


✍️School Media Unit


𝐑𝐄𝐀𝐃 𝐌𝐎𝐑𝐄 👇👇👇………………….


✅👉கல்முனை அல்-அஸ்ஹர் வித்தியாலயத்தில் முதன்முறையாக ஏற்பாடு

கல்முனை அல்-அஸ்ஹர் வித்தியாலயத்தின் வரலாற்றில் முதன்முறையாக, தெரிவு செய்யப்பட்ட மாணவர் தலைவர்களுக்கான வீதிப் போக்குவரத்து ஒழுங்கு விதிகள் தொடர்பான விழிப்புணர்வுச் செயலமர்வு (16) பாடசாலை வளாகத்தில் நடைபெற்றது.


பாடசாலை அதிபர் ஏ.ஜீ.எம். றிஷாத் அவர்களின் வேண்டுகோளுக்கிணங்க, கல்முனை பொலிஸ் நிலையத்தின் வீதிப் போக்குவரத்துப் பிரிவினரால் இச்செயலமர்வு ஏற்பாடு செய்யப்பட்டிருந்தது.


இந்நிகழ்வில் கல்முனை பொலிஸ் நிலைய போக்குவரத்துப் பிரிவின் பொறுப்பதிகாரி திரு. டி.எம்.எம்.கே. தஸாநாயக்க மற்றும் வீதிப் போக்குவரத்துப் பொலிஸ் உத்தியோகத்தர் ஜெமீல் ஆகியோர் கலந்துகொண்டு, வீதிப் போக்குவரத்து ஒழுங்கு விதிகள், வீதியைப் பாதுகாப்பாகப் பயன்படுத்தும் முறைகள், போக்குவரத்துச் சின்னங்களின் முக்கியத்துவம் மற்றும் வீதி விபத்துக்களைத் தவிர்ப்பதற்கான முன்னெச்சரிக்கை நடவடிக்கைகள் தொடர்பாக மாணவர்களுக்கு விரிவான விளக்கங்களையும் அறிவுறுத்தல்களையும் வழங்கினர்.


மேலும், மாணவர்கள் மத்தியில் வீதிப் பாதுகாப்பு தொடர்பான விழிப்புணர்வை ஏற்படுத்துவதுடன், ஒழுக்கமானதும் பொறுப்புணர்வு மிக்கதுமான வீதிப் பாவனையாளர்களாக அவர்களை உருவாக்கும் நோக்கிலும் இச்செயலமர்வு பயனுள்ளதாக அமைந்தது.


இச்செயலமர்வை ஏற்பாடு செய்வதற்கு ஒத்துழைப்பு வழங்கிய கல்முனை தலைமையகப் பொலிஸ் நிலையப் பொறுப்பதிகாரி திரு. லசந்த களுவாராய்ச்சி அவர்களுக்கும், நிகழ்வில் கலந்துகொண்டு மாணவர்களுக்கு விழிப்புணர்வூட்டிய போக்குவரத்துப் பிரிவின் பொறுப்பதிகாரி உள்ளிட்ட பொலிஸ் உத்தியோகத்தர்கள் அனைவருக்கும் பாடசாலைச் சமூகம் தனது நன்றிகளையும் பாராட்டுக்களையும் தெரிவித்துள்ளது.


🌎 www.mihrajnews.com


✒️ ɴᴇᴡs ᴇᴅɪᴛᴏʀ எஸ்என்.ஹஸ்மி

✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்





ஜனாஸா கடமைகளுக்கென பிரத்தியேக உலமா நியமனம்: கல்முனை முஹ்யித்தீன் ஜும்ஆ பெரிய பள்ளிவாசல் நம்பிக்கையாளர் சபையின் முக்கிய அறிவித்தல்…!

ஜனாஸா கடமைகளுக்கென பிரத்தியேக உலமா நியமனம்: கல்முனை முஹ்யித்தீன் ஜும்ஆ பெரிய பள்ளிவாசல் நம்பிக்கையாளர் சபையின் முக்கிய அறிவித்தல்…!

 


🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉 ஜனாஸா கடமைகளுக்கென பிரத்தியேக உலமா நியமனம்: கல்முனை முஹ்யித்தீன் ஜும்ஆ பெரிய பள்ளிவாசல் நம்பிக்கையாளர் சபையின் முக்கிய அறிவித்தல்…!


✍️ யு.எல்.அலி.ஜமாயில்


𝐑𝐄𝐀𝐃 𝐌𝐎𝐑𝐄 👇👇👇………………………………


✅👉 கல்முனை பிரதேச மக்களின் ஜனாஸா தொடர்பான மார்க்கக் கடமைகளை முறையாகவும், நேர்த்தியாகவும், இஸ்லாமிய மார்க்க வழிகாட்டல்களுக்கு அமைவாகவும் நிறைவேற்றும் நோக்கில், தகுதியும் அனுபவமும் கொண்ட உலமா ஒருவரை ஜனாஸா மற்றும் அதனுடன் தொடர்புடைய மார்க்க விவகாரங்களுக்கான பொறுப்பாளராக கல்முனை முஹ்யித்தீன் ஜும்ஆ பெரிய பள்ளிவாசல் நம்பிக்கையாளர் சபை நியமித்துள்ளது.


அதற்கமைய கண்ணியத்திற்குரிய மௌலவி எம். எச். எம். அஸீஸ் மன்பயீ அவர்கள் கல்முனை பிரதேச மக்களுக்கு ஜனாஸா தொடர்பான சேவைகளை வழங்கும் வகையில் பிரத்தியேகமாக நியமிக்கப்பட்டுள்ளார்.


இந்நியமனம் மற்றும் அவருக்கான கடமைகள் தொடர்பான உத்தியோகபூர்வ ஆவணங்கள் வழங்கும் நிகழ்வு நேற்று கல்முனை முஹ்யித்தீன் ஜும்ஆ பெரிய பள்ளிவாசல் காரியாலயத்தில், நம்பிக்கையாளர் சபையின் தலைவர் அல்-ஹாஜ் எம். ஐ. அப்துல் அஸீஸ் அவர்களின் தலைமையில் 15.11.2026ம் இடம்பெற்றது.


கடந்த பல தசாப்தங்களாக காலஞ்சென்ற “மைனாப் பழம்” என அழைக்கப்படும் மர்ஹூம் சாஹுல் ஹமீது அவர்கள் ஜனாஸா தொடர்பான பணிகளுக்காக கல்முனை முஹ்யித்தீன் ஜும்ஆ பெரிய பள்ளிவாசலினால் நியமனம் செய்யப்பட்டு அர்ப்பணிப்புடன் சேவையாற்றி வந்தார்.


அன்னாரின் மறைவுக்குப் பின்னர் ஏற்பட்டிருந்த சேவை இடைவெளியை நிரப்புவதுடன் ஜனாஸா கடமைகளை தொடர்ச்சியாகவும், முறையாகவும், மார்க்க ஷரீஆ வழிகாட்டல்களுக்கு அமைவாகவும் முன்னெடுக்கும் நோக்கிலேயே இந்நியமனம் மேற்கொள்ளப்பட்டுள்ளது.


ஜனாஸா கடமைகளை நேர்த்தியாகவும் பொறுப்புடனும் நிறைவேற்றுவதற்குத் தேவையான மார்க்க அறிவு, அனுபவம் மற்றும் ஆற்றல் கொண்ட உலமா ஒருவரையே நியமிக்க வேண்டும் என்ற நம்பிக்கையாளர் சபையின் தீர்மானத்தின் அடிப்படையிலேயே இந்நியமனம் வழங்கப்பட்டுள்ளது.


ஜனாஸா பொறுப்பாளரின் முக்கிய கடமைகள்


1. ஜனாஸா நடவடிக்கைகளை ஒருங்கிணைத்தல் – மரணச் செய்தி கிடைத்தவுடன் ஜனாஸா தொடர்பாக குடும்பத்தினருக்கு தேவையான ஆலோசனைகளை வழங்குதல்.

2. மையித்தைக் குளிப்பாட்டுதல் – இஸ்லாமிய மார்க்க வழிகாட்டல்களுக்கு அமைவாக ஏற்பாடுகளைச் செய்தல்.

3. கபனிடுதல் – உரிய மார்க்க ஒழுங்குகளின்படி கபனிடுதல்.

4. ஜனாஸாத் தொழுகை நடத்துதல் – தேவையான சந்தர்ப்பங்களில் ஜனாஸாத் தொழுகையை முன்னின்று நடத்துதல்.

5. நல்லடக்க வழிகாட்டல் – நல்லடக்க நடவடிக்கைகளில் பங்கேற்று உரிய துஆ மற்றும் மார்க்க அறிவுரைகளை வழங்குதல்.

6. குடும்பத்தினருக்கு மார்க்க வழிகாட்டல் – ஜனாஸா தொடர்பான மார்க்க விடயங்களில் தேவையான ஆலோசனைகளை வழங்குதல்.

7. குர்ஆன் ஓதுதல் மற்றும் துஆ – மரண வீடுகள் மற்றும் பிற சந்தர்ப்பங்களில் குர்ஆன் ஓதுதல், துஆ மஜ்லிஸ்களில் பங்கேற்பு.

8. நோயாளிகளுக்கான துஆ – அழைக்கப்படும் சந்தர்ப்பங்களில் நோயாளிகளுக்காகப் பிரார்த்தனை செய்தல்.

9. மார்க்க ஆலோசனை மற்றும் வழிகாட்டல் – பொதுமக்களின் தேவைக்கேற்ப மார்க்க ஆலோசனைகளை வழங்குதல்.

10. துக்கத்தில் உள்ள குடும்பங்களுக்கு ஆறுதல் – மரண வீடுகளுக்குச் சென்று குடும்பத்தினருக்கு ஆறுதல் மற்றும் ஆன்மீக ஆதரவு வழங்குதல். 

11. 24 மணி நேர அவசரத் தயார்நிலை – ஜனாஸா தொடர்பான அவசர அழைப்புகளுக்கு இயன்றவரை தாமதமின்றி பதிலளித்தல்.


ஊர் ஜமாஅத்தார்களின் கவனத்திற்கு!


கல்முனை பிரதேச ஜமாஅத்தினர்கள் மற்றும் பொதுமக்கள் ஜனாஸா தொடர்பான மேற்குறிப்பிட்ட தேவைகளுக்காக, கண்ணியத்திற்குரிய மௌலவி எம். எச். எம். அஸீஸ் மன்பயீ அவர்களை 📞 075 456 3744 என்ற தொலைபேசி இலக்கத்தின் மூலம் தொடர்புகொண்டு, இச்சேவைகளை முற்றிலும் இலவசமாகப் பெற்றுக்கொள்ளலாம்.*


ஜனாஸா என்பது ஒரு குடும்பத்தின் துயரமான தருணம் மட்டுமல்ல; அது சமூகத்தின் கூட்டுப் பொறுப்பாகும். அந்தக் கடமையை மார்க்க ஒழுங்குகளுடன், கண்ணியத்துடனும், அர்ப்பணிப்புடனும் நிறைவேற்றுவதற்கான கல்முனை தாய்ப் பள்ளிவாசலின் இம்முயற்சியிற்கு அனைவரினதும் ஒத்துழைப்பை எதிர்பார்க்கின்றோம்.


-நம்பிக்கையாளர் சபை,

கல்முனை முஹ்யித்தீன் ஜும்ஆ பெரிய பள்ளிவாசல் மற்றும் கடற்கரைப் பள்ளிவாசல்.


🌎 www.mihrajnews.com


✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்

Sunday, November 15, 2026

SECRO Srilanka அமைப்பின் ஏற்பாட்டில் மாளிகைக்காடு அல் சபீனா பாடசாலையில் தரம் 5 புலமைப்பரிசில் சாதனையாளர்கள் கௌரவிப்பு விழா…!

SECRO Srilanka அமைப்பின் ஏற்பாட்டில் மாளிகைக்காடு அல் சபீனா பாடசாலையில் தரம் 5 புலமைப்பரிசில் சாதனையாளர்கள் கௌரவிப்பு விழா…!


 🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉 SECRO Srilanka அமைப்பின் ஏற்பாட்டில் மாளிகைக்காடு அல் சபீனா பாடசாலையில் தரம் 5 புலமைப்பரிசில் சாதனையாளர்கள் கௌரவிப்பு விழா…!


✍️ யு.எல்.அலி.ஜமாயில்


𝐑𝐄𝐀𝐃 𝐌𝐎𝐑𝐄 👇👇👇


✅👉 பிரதம விருந்தினராக அதிபர் Mr. நவாஸ் சவ்பீ கலந்து சிறப்பித்தார். அமைப்பின் தலைவர் Mr. ரினோஸ் ஹனிபா தலமையில் நிகழ்வு இடம் இடம்பெற்றது


இந்நிகழ்வை அமைப்பின் உறுப்பினர் Mr. முகம்மது அனீஸ் ஒழுங்குபடுத்தினார், அமைப்பின் உறுப்பினர்கள் மற்றும் அவர்களது குடும்பத்தினர் ஆகியோரும் இந்நிகழ்வில் கலந்து கொண்டனர்.


அமைப்பின் அங்கத்வர்களின் பிள்ளைகளில் தரம் 5 புலமைப்பரிசில் பரீட்சையில் சிறந்த சாதனை படைத்த எட்டு மாணவர்கள் கௌரவிக்கப்பட்டனர்.


🌎 www.mihrajnews.com


✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்


கல்முனை அஷ்ரப் வைத்தியசாலையில் வரலாற்றுச் சாதனை ;சிரேஸ்ட சத்திரசிகிச்சை நிபுணர் டாக்டர் சமீம் தலைமையில் சத்திரசிகிச்சை வெற்றி…!

கல்முனை அஷ்ரப் வைத்தியசாலையில் வரலாற்றுச் சாதனை ;சிரேஸ்ட சத்திரசிகிச்சை நிபுணர் டாக்டர் சமீம் தலைமையில் சத்திரசிகிச்சை வெற்றி…!


 🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉 கல்முனை அஷ்ரப் வைத்தியசாலையில் வரலாற்றுச் சாதனை ;சிரேஸ்ட சத்திரசிகிச்சை நிபுணர் டாக்டர் சமீம் தலைமையில் சத்திரசிகிச்சை வெற்றி…!


✍️ எம்.என்.எம்.அப்ராஸ் 


𝐑𝐄𝐀𝐃 𝐌𝐎𝐑𝐄 👇👇👇……………………………..


✅👉 கல்முனை அஷ்ரப் ஞாபகார்த்த வைத்தியசாலையின் சத்திரசிகிச்சை வரலாற்றில் ஒரு முக்கியமான மைல்கல்லாக, 70 வயதுடைய பெண் ஒருவருக்கு மிகச் சிக்கலான வயிற்றுச் சத்திரசிகிச்சை வெற்றிகரமாக கடந்த செவ்வாய்கிழமை (10) இடம் பெற்றது.


நீண்ட காலமாக உணவு உட்கொள்ள முடியாமல் கடுமையான சிரமங்களை எதிர்நோக்கி வந்த நோயாளிக்கு மேற்கொள்ளப்பட்ட மேல் இரைப்பை எண்டோஸ்கொப்பி (Upper Gastrointestinal Endoscopy) பரிசோதனையின் மூலம் வயிற்றில் கட்டி இருப்பது கண்டறியப்பட்டது. இக்கட்டியானது வயிற்றிலிருந்து உணவு சிறுகுடலுக்குச் செல்லும் பாதையை அடைத்து, இரைப்பை வெளியீட்டுத் தடையை (Gastric Outlet Obstruction) ஏற்படுத்தியிருந்தது.


இதனைக் கருத்திற்கொண்டு, போர்ட் சான்றிதழ் பெற்ற சிரேஸ்ட சத்திரசிகிச்சை நிபுணர் டாக்டர் ஏ. டபிள்யூ. எம். சமீம் அவர்களின் தலைமையில், நான்கு மணித்தியாலங்களுக்கும் மேலாக நீடித்த sub total Gastrectomy with gastrojejunostomy (முழு வயிற்றை அகற்றி, உணவுக்குழாயை சிறுகுடலுடன் இணைக்கும்) சத்திரசிகிச்சை வெற்றிகரமாக முன்னெடுக்கப்பட்டது.


பொதுச் சத்திரசிகிச்சை, மேம்பட்ட சத்திரசிகிச்சை முறைகள் மற்றும் நவீன லேப்ராஸ்கோப்பிக் சத்திரசிகிச்சைகளில் ஆயிரக்கணக்கான அறுவை சிகிச்சைகளை மேற்கொண்ட நீண்ட அனுபவம் கொண்ட டாக்டர் சமீம் அவர்களின் அர்ப்பணிப்பு மற்றும் வைத்தியசாலைக் குழுவினரின் ஒத்துழைப்புடன் நோயாளி தற்போது பூரண குணமடைந்து ஆரோக்கியமான வாழ்க்கைக்குத் திரும்பியுள்ளார்.


மேலும் இதன் போது கல்முனை அஷ்ரப் ஞாபகார்த்த வைத்தியசாலையின் வைத்திய அத்தியட்சகர் வைத்தியர் ஐ.எல். எம்.றிபாஸ் நோயாளியைப்  

நேரில் சென்று பார்வையிட்டதுடன் தண்ணீரும் கொடுத்தார்.


உயர்தர சத்திரசிகிச்சைகள் அரச வைத்தியசாலையிலேயே இலவசமாக வெற்றிகரமாக மேற்கொள்ளப்பட்டிருப்பது அம்பாரை மாவட்ட மக்களுக்குக் கிடைத்த மாபெரும் வரப்பிரசாதமாகும்.


பொது மக்களுக்கு நவீன மற்றும் உயர்தர சத்திரசிகிச்சைகளை அரச வைத்தியசாலைகளிலேயே பெற்றுக்கொள்ள முடியும் என்பதற்கான ஒரு சிறந்த எடுத்துக்காட்டாக கல்முனை அஷ்ரப் ஞாபகார்த்த வைத்தியசாலை அமைந்துள்ளது.


இச்சாதனையில் பங்களித்த அனைத்து மருத்துவர்கள், மயக்க மருந்து வைத்திய நிபுணர்கள், தாதியர்கள் மற்றும் சத்திரசிகிச்சைக் குழுவினருக்குப் பாராட்டுக்களும் நன்றிகளும் தெரிவிக்கப்பட்டது.


🌎 www.mihrajnews.com


✒️ ɴᴇᴡs ᴇᴅɪᴛᴏʀ எஸ்என்.ஹஸ்மி

✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்

GFK அமைப்பின் தலைவராகத் தெரிவு செய்யப்பட்ட முஹம்மது இஜாஸ்,செயலாளராக முஹம்மது ரபீஸ்,பொருலாளராக முஹம்மது ரஸீன் அமைப்பாளராக ஏ.பீ.எம்.றிணோஸ் அனைவருக்கும் வாழ்த்துக்கள்…!

GFK அமைப்பின் தலைவராகத் தெரிவு செய்யப்பட்ட முஹம்மது இஜாஸ்,செயலாளராக முஹம்மது ரபீஸ்,பொருலாளராக முஹம்மது ரஸீன் அமைப்பாளராக ஏ.பீ.எம்.றிணோஸ் அனைவருக்கும் வாழ்த்துக்கள்…!


 📌 𝐌𝐈𝐇𝐑𝐀𝐉 𝐍𝐄𝐖𝐒 ✍️ 𝐒𝐑𝐈 𝐋𝐀𝐍𝐊𝐀 🇱🇰


✅👉 GFK அமைப்பின் தலைவராகத் தெரிவு செய்யப்பட்ட முஹம்மது இஜாஸ்,செயலாளராக முஹம்மது ரபீஸ்,பொருலாளராக முஹம்மது ரஸீன் அமைப்பாளராக ஏ.பீ.எம்.றிணோஸ் அனைவருக்கும் வாழ்த்துக்கள்…!


🌎 www.mihrajnews.com


✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்




மனிதநேயப் பணியில் மற்றுமொரு மைல்கல்!

மனிதநேயப் பணியில் மற்றுமொரு மைல்கல்!

 


🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉 மனிதநேயப் பணியில் மற்றுமொரு மைல்கல்!


✍️ எம்.சி.எம்.ஷம்சுல் முனா


𝐑𝐄𝐀𝐃 𝐌𝐎𝐑𝐄 👇👇👇……………………………….


✅👉 சாய்ந்தமருது அக்பர் ஜும்ஆப் பள்ளிவாசலுக்கு வுழூ செய்வதற்கான குழாய் நீர் வசதியை ஏற்படுத்திக் கொடுத்த கல்முனை ரஹ்மத் பவுண்டேஷன்!


மக்களின் அத்தியாவசியத் தேவைகளை அறிந்து தொடர்ச்சியாகப் பல்வேறு சமூகநலப் பணிகளை முன்னெடுத்து வரும் கல்முனை ரஹ்மத் பவுண்டேஷன், தனது மற்றுமொரு சேவையாக சாய்ந்தமருது அக்பர் ஜும்ஆப் பள்ளிவாசலில் வுழூ செய்வதற்கான குழாய் நீர் வசதியை ஏற்படுத்திக் கொடுத்துள்ளது.


பள்ளிவாசலுக்கு வருகை தரும் தொழுகையாளர்கள் எதிர்கொண்ட நீர்த் தேவையைக் கருத்திற்கொண்டு, ரஹ்மத் பவுண்டேஷனின் ஸ்தாபகரும் தலைவருமான கௌரவ ரஹ்மத் மன்சூர் அவர்கள் இவ்வசதியை ஏற்படுத்திக் கொடுப்பதற்கான நடவடிக்கைகளை முன்னெடுத்துள்ளார்.


இதன்போது பள்ளிவாசலில் முன்னெடுக்கப்பட்டு வரும் கட்டிட நிர்மாணம், விஸ்தரிப்பு மற்றும் புனர்நிர்மாணப் பணிகளையும் நேரில் பார்வையிட்டு, அவற்றின் முன்னேற்றம் மற்றும் எதிர்காலத் தேவைகள் தொடர்பிலும் கேட்டறிந்துகொண்டார்.


மேலும், இந்நிகழ்வின் ஞாபகார்த்தமாக பள்ளிவாசல் வளாகத்தில் கௌரவ ரஹ்மத் மன்சூர் அவர்களினால் தென்னங்கன்று ஒன்றும் நாட்டி வைக்கப்பட்டது.


ஸ்ரீலங்கா முஸ்லிம் காங்கிரஸின் தேசியப் பொருளாளரும், கல்முனை மாநகர சபையின் முன்னாள் பிரதி மேயருமான ரஹ்மத் மன்சூர் அவர்களின் இப்பங்களிப்பு பள்ளிவாசல் நிர்வாகத்தினருக்கும் தொழுகையாளர்களுக்கும் பயனளிக்கும் சிறப்பான சமூகநலச் சேவையாக அமைந்துள்ளது.


இந்நிகழ்வில் பள்ளிவாசல் தலைவர் உள்ளிட்ட நிர்வாகத்தினர் மற்றும் பிரதேச மக்களும் கலந்துகொண்டனர்.


தேவையறிந்து உதவுவதே உண்மையான மனிதநேயம்!


RAHMATH FOUNDATION – KALMUNAI

Serving Humanity with Compassion.


🌎 www.mihrajnews.com


✒️ ɴᴇᴡs ᴇᴅɪᴛᴏʀ எஸ்என்.ஹஸ்மி

✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்



கல்முனை அஸ்-ஸுஹறா வித்தியாலய அபிவிருத்தி தொடர்பில் ரஹ்மத் மன்சூருடன் விசேட சந்திப்பு…!

கல்முனை அஸ்-ஸுஹறா வித்தியாலய அபிவிருத்தி தொடர்பில் ரஹ்மத் மன்சூருடன் விசேட சந்திப்பு…!


 🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉 கல்முனை அஸ்-ஸுஹறா வித்தியாலய அபிவிருத்தி தொடர்பில் ரஹ்மத் மன்சூருடன் விசேட சந்திப்பு…!


✍️ எம்.சி.எம்.ஷம்சுல் முனா


𝐑𝐄𝐀𝐃 𝐌𝐎𝐑𝐄 👇👇👇………………………


✅👉 கல்முனை அஸ்-ஸுஹறா வித்தியாலயத்தின் எதிர்கால அபிவிருத்தி, கல்வி மேம்பாடு மற்றும் மாணவர்களின் கல்விச் சாதனைகளை உயர்த்துவது தொடர்பான விசேட கலந்துரையாடல் ரஹ்மத் மன்சூர் அவர்களுடனான சந்திப்பின்போது இடம்பெற்றது.


இதில் பாடசாலையின் அதிபர் எம்.எஸ்.எச்.ஆர். மஜீதியா, பிரதி அதிபர் எம்.ஏ. பாத்திமா மிஸ்னா, பாடசாலை அபிவிருத்திக் குழுவின் செயலாளர் (தேசமானிய) எஸ்.எச்.எம். அஜ்வாத், குழு உறுப்பினர்களான அகில இலங்கை ஜம்மியதுல் உலமா கல்முனை கிளை தலைவர் மெளலவி ஏ.எல்.எம். முர்ஷித் (முஃப்தி), எம்.ஜே.எம். சமீர், ஐ.எஸ். சித்தி ஷெரீன், எம்.எஸ்.எச்.எம். மனாஷ் மற்றும் பெற்றோர் சார்பில் எஸ்.ஏ.எம். ரிஸ்லி ஆகியோர் கலந்துகொண்டனர்.


இதன்போது, பாடசாலை அபிவிருத்திக் குழுவின் செயலாளர் பாடசாலையின் எதிர்காலத் தேவைகள் மற்றும் அபிவிருத்தித் திட்டங்கள் தொடர்பில் விளக்கமளித்ததுடன், அதிபர் எம்.எஸ்.எச்.ஆர். மஜீதியா அவர்கள் பாடசாலையில் முன்னெடுக்கப்படும் கல்விசார் வேலைத்திட்டங்கள், மாணவர்களின் கல்வி முன்னேற்றத்திற்கான முயற்சிகள் மற்றும் எதிர்காலத் திட்டங்கள் குறித்தும் விரிவாக எடுத்துரைத்தார்.


பாடசாலையின் உட்கட்டமைப்பு வசதிகள், கல்வி மேம்பாடு மற்றும் மாணவர்களுக்கான நவீன கற்றல் வாய்ப்புகளை மேம்படுத்துவதில் சமூகப் பங்களிப்பின் அவசியம் குறித்தும் இதன்போது கலந்துரையாடப்பட்டது.


🌎 www.mihrajnews.com


✒️ ɴᴇᴡs ᴇᴅɪᴛᴏʀ எஸ்என்.ஹஸ்மி

✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்








LEADER ASHRAFF TROPHY 2026” கிரிக்கெட் சுற்றுத்தொடர் நாவிதன்வெளியில் கோலாகலமாக ஆரம்பம்…!

LEADER ASHRAFF TROPHY 2026” கிரிக்கெட் சுற்றுத்தொடர் நாவிதன்வெளியில் கோலாகலமாக ஆரம்பம்…!

 


🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉 🏏 “LEADER ASHRAFF TROPHY 2026” கிரிக்கெட் சுற்றுத்தொடர் நாவிதன்வெளியில் கோலாகலமாக ஆரம்பம்…!


✍️ எம்.சி.எம்.ஷம்சுல் முனா


𝐑𝐄𝐀𝐃 𝐌𝐎𝐑𝐄 👇👇👇……………………………….


✅👉 ஸ்ரீலங்கா முஸ்லிம் காங்கிரஸின் ஏற்பாட்டில், நாவிதன்வெளி பிரதேசத்திலுள்ள விளையாட்டுக் கழகங்களுக்கு இடையிலான “LEADER ASHRAFF TROPHY 2026” கிரிக்கெட் சுற்றுத்தொடர் இன்று (14) நாவிதன்வெளி அமீர் அலி பொது விளையாட்டு மைதானத்தில் கோலாகலமாக ஆரம்பமானது.


நாவிதன்வெளி பிரதேச சபையின் ஸ்ரீலங்கா முஸ்லிம் காங்கிரஸ் உறுப்பினர் பி.எம். நவாஸ் தலைமையில் நடைபெற்ற இவ்வாரம்ப நிகழ்வில், ஸ்ரீலங்கா முஸ்லிம் காங்கிரஸின் தேசிய பொருளாளர் ரஹ்மத் மன்சூர் அவர்கள் பிரதம அதிதியாகக் கலந்து கொண்டு சுற்றுத்தொடரை ஆரம்பித்து வைத்து சிறப்பித்தார்.


இந்நிகழ்வில், கட்சியின் அம்பாறை மாவட்ட செயலாளரும் உயர்பீட உறுப்பினருமான ஏ.சி. சமால்தீன், ஸ்ரீலங்கா முஸ்லிம் காங்கிரஸின் உயர்பீட உறுப்பினரும் நாவிதன்வெளி மத்திய குழுத் தலைவருமான நஸார் ஹாஜி, கட்சியின் முக்கிய உறுப்பினர் மஹ்றூப் உள்ளிட்ட நாவிதன்வெளி பிரதேச கட்சியின் முக்கியஸ்தர்கள், விளையாட்டுக் கழகங்களின் பிரதிநிதிகள், இளைஞர்கள் மற்றும் பிரதேச மக்கள் எனப் பலரும் கலந்துகொண்டு நிகழ்வை சிறப்பித்தனர்.


இளைஞர்களின் விளையாட்டுத் திறமைகளை அடையாளம் கண்டு அவற்றை ஊக்குவிப்பதுடன், அவர்களை ஆரோக்கியமான விளையாட்டுச் செயற்பாடுகளில் ஈடுபடுத்தும் நோக்கிலும், பிரதேசத்திலுள்ள விளையாட்டுக் கழகங்களுக்கு இடையிலான ஒற்றுமை, நல்லுறவு மற்றும் சகோதரத்துவத்தை மேலும் வலுப்படுத்தும் நோக்கிலும் இச்சுற்றுத்தொடர் ஏற்பாடு செய்யப்பட்டுள்ளது.


மறைந்த தலைவர் மர்ஹூம் எம்.எச்.எம். அஷ்ரஃப் அவர்களின் பெயரைத் தாங்கி நடைபெறும் இச்சுற்றுத்தொடர், இளைஞர்களின் விளையாட்டுத் திறமைகளை வெளிக்கொணரும் களமாக மட்டுமன்றி, இளைஞர்களை ஒன்றிணைத்து சமூக ஒற்றுமையையும் சகோதரத்துவத்தையும் வளர்க்கும் சிறந்த முயற்சியாகவும் அமைந்துள்ளது.


🌎 www.mihrajnews.com


✒️ ɴᴇᴡs ᴇᴅɪᴛᴏʀ எஸ்என்.ஹஸ்மி

✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்






















சாய்ந்தமருது ஜனாஸா நலன்புரி மக்கள் பேரவையின் மூன்றாவது இரத்ததான நிகழ்வு வெற்றிகரமாக முன்னெடுப்பு.நூற்றுக்கும் மேற்பட்ட இளைஞர், யுவதிகள் ஆர்வத்துடன் இரத்ததானம்…!

சாய்ந்தமருது ஜனாஸா நலன்புரி மக்கள் பேரவையின் மூன்றாவது இரத்ததான நிகழ்வு வெற்றிகரமாக முன்னெடுப்பு.நூற்றுக்கும் மேற்பட்ட இளைஞர், யுவதிகள் ஆர்வத்துடன் இரத்ததானம்…!

 


🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰


✅👉 சாய்ந்தமருது ஜனாஸா நலன்புரி மக்கள் பேரவையின் மூன்றாவது இரத்ததான நிகழ்வு வெற்றிகரமாக முன்னெடுப்பு.நூற்றுக்கும் மேற்பட்ட இளைஞர், யுவதிகள் ஆர்வத்துடன் இரத்ததானம்…!


✍️ நூருல் ஹுதா உமர் 


𝐑𝐄𝐀𝐃 𝐌𝐎𝐑𝐄 👇👇👇…………………………….


✅👉 சாய்ந்தமருது ஜனாஸா நலன்புரி மக்கள் பேரவையினால் “உதிரம் கொடுத்து உயிரைக் காப்போம்” எனும் தொனிப்பொருளில் ஏற்பாடு செய்யப்பட்ட மாபெரும் இரத்ததான நிகழ்வு இன்று சனிக்கிழமை (14) வெற்றிகரமாக நடைபெற்றது.


ஜனாஸா நலன்புரி மக்கள் பேரவையின் தலைமைக் காரியாலயத்தில், அதன் தலைவர் எஸ்.எம். நசீர் தலைமையில் நடைபெற்ற இந்நிகழ்வு, அஷ்ரப் ஞாபகார்த்த வைத்தியசாலையின் இரத்த வங்கிப் பிரிவு வைத்தியர் டாக்டர் ஜே. நிரோஜனின் வழிகாட்டலில் முன்னெடுக்கப்பட்டது.


இதன்போது சாய்ந்தமருது பிரதேசத்தைச் சேர்ந்த நூற்றுக்கும் மேற்பட்ட இளைஞர், யுவதிகள் உள்ளிட்ட பலர் மிகுந்த ஆர்வத்துடன் இரத்ததானம் வழங்கியமை குறிப்பிடத்தக்க அம்சமாகும்.


இரத்ததான நிகழ்வின் மூலம் அஷ்ரப் ஞாபகார்த்த வைத்தியசாலையின் இரத்த வங்கிப் பிரிவில் நிலவிய இரத்தப் பற்றாக்குறையை நிவர்த்தி செய்ய முடிந்துள்ளதாக, அப்பிரிவின் வைத்தியர் டாக்டர் கே. வித்தியா தெரிவித்தார்.


ஜனாஸா நலன்புரி மக்கள் பேரவையின் சமூகநலப் பணிகளின் தொடர்ச்சியாக, மூன்றாவது முறையாகவும் இவ்விரத்ததான நிகழ்வு வெற்றிகரமாக ஏற்பாடு செய்யப்பட்டுள்ளமை குறிப்பிடத்தக்கது.


இந்நிகழ்வில் ஸூரா சபையின் தலைவர் அஷ்ஷெய்க் எம்.ஐ. ரஃபி, ஜனாஸா நலன்புரி மக்கள் பேரவையின் பொதுச் செயலாளர் யூ.கே. காலித்தீன், பொருளாளர் ஏ.எச். முர்சித், முன்னாள் தலைவர் ஏ.எஸ். அஸ்வர், ஸூரா சபை உறுப்பினர்கள், பேரவையின் உறுப்பினர்கள் மற்றும் பேரவையின் முதுகெலும்பாகச் செயற்படும் களப்பணியாளர்கள் எனப் பலரும் கலந்துகொண்டனர்.


குறிப்பாக, பேரவையின் களப்பணியாளர்கள் வீடு வீடாகச் சென்று இரத்ததானம் செய்யக்கூடிய நன்கொடையாளர்களை அடையாளம் கண்டு, அவர்களை நிகழ்வுக்கு அழைத்து வந்தமை இப்பணியின் வெற்றிக்கு பெரும் பங்களிப்பை வழங்கியிருந்தது.


உயிர்காக்கும் உன்னதமான மனிதநேயப் பணியில் இளைஞர், யுவதிகளை ஒன்றிணைத்து, வைத்தியசாலையின் இரத்தத் தேவையைப் பூர்த்தி செய்வதில் ஜனாஸா நலன்புரி மக்கள் பேரவை முன்னெடுத்துள்ள இம்முயற்சி பிரதேச மக்கள் மத்தியில் பாராட்டைப் பெற்றுள்ளது.


🌎 www.mihrajnews.com


✒️ ɴᴇᴡs ᴇᴅɪᴛᴏʀ எஸ்என்.ஹஸ்மி

✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்