இஸ்லாமிய வங்கி கணக்குகள் திறந்துவைப்பு..!

 

𝐌𝐈𝐇𝐑𝐀𝐉 𝐍𝐄𝐖𝐒 𝐒𝐑𝐈 𝐋𝐀𝐍𝐊𝐀

இஸ்லாமிய வங்கி கணக்குகள் திறந்துவைப்பு..!

𝐑𝐄𝐀𝐃 𝐌𝐎𝐑𝐄

கல்முனை இஸ்லாமாபாத் முஸ்லிம் மகா வித்தியாலய பாடசாலைமில் இயங்கிவரும் கிறின்வீச் ஆங்கிலப் பாலர் பாடசாலை மாணவர்களுக்கும், தரம் ஒன்றில் கல்விகற்கின்ற மாணவர்களுக்கும் அவர்களின் சேமிப்புப் பழக்கத்தை ஊக்குவிக்கும்நோக்கில் இலங்கை வங்கி ஒலுவில் கிளை முகாமையாளர் திரு. தனபாலரத்தினம் பிரபாகரன் அவர்களினால் இலங்கை வங்கியினால் புதிதாக அறிமுகப்படுத்தப்பட்ட இஸ்லாமிய சரிஆ சட்டத்திற்கமைவான வங்கிக் கணக்குகள் திறந்து கொடுக்கப்பட்டன.

மேலும் பாடசாலையின் அதிபர் அவர்களின் வேண்டுகோளுக்கிணங்க திறந்துவைக்கப்பட்ட இந்த இஸ்லாமிய வங்கிக் கணக்கின் மூலம் மாணவர்களின் பெற்றோர்கள் மற்றும் மாணவர்களும் பல நன்மைகளை அடைய உள்ளனர்.

குறிப்பாக கணக்கு வைத்திருக்கும் மாணவர்களின் பெற்றோர்களுக்கு பாரிய நோய் வாய்ப்பட்டு அல்லது இழப்புகள் ஏற்படும் போது அவர்களுக்கான இழப்பீட்டுத் தொகை வழங்கப்படும். அத்தோடு மாணவர்களுக்கும் புலமைப் பரிசில் திட்டங்களும், வழங்கப்படும் என்பதும் இந்த வங்கிக் கணக்கின் விசேட அம்சமாகும்.

அத்தோடு அறிமுகப்படுத்தப்பட்ட இஸ்லாமிய வங்கிக்கணக்குகள் தொடர்பான விளக்கங்களும் முகாமையாளர் அவர்களினால் பெற்றோர்களுக்கு முன்வைக்கப்ட்டமை குறிப்பிடத்தக்கது.

www.mihrajnews.com

ɴᴇᴡs ᴇᴅɪᴛᴏʀ எஸ்என்.ஹஸ்மி

𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்