Sunday, October 11, 2026

ஆசிரியப் பணி கொள்கையுடனும் பொறுப்புடனும் தியாகத்துடனும் முன்னெடுக்கப்பட வேண்டும் – அதிபர் ஏ.ஜீ.எம்.றிஷாத்…!

Ad 728x90

 


📌 𝐌𝐈𝐇𝐑𝐀𝐉 𝐍𝐄𝐖𝐒 ✍️ 𝐒𝐑𝐈 𝐋𝐀𝐍𝐊𝐀 🇱🇰


✅👉 ஆசிரியப் பணி கொள்கையுடனும் பொறுப்புடனும் தியாகத்துடனும் முன்னெடுக்கப்பட வேண்டும் – அதிபர் ஏ.ஜீ.எம்.றிஷாத்…!


✍️ யு.எல். அலி. ஜமாயில்


𝐑𝐄𝐀𝐃 𝐌𝐎𝐑𝐄 👇👇👇……………………………


✅👉 கமு/கமு/அல்-அஸ்ஹர் வித்தியாலயத்தின் ஆசிரியர் தினக் கொண்டாட்டம் (07) பாடசாலை வளாகத்தில் வெகு சிறப்பாக இடம்பெற்றது. பாடசாலையின் பிரதி அதிபர் எம்.எச். இஹ்ஸானுல் இஸ்ஸத் தலைமையில் நடைபெற்ற இந்நிகழ்வில், பாடசாலை அதிபர் ஏ.ஜீ.எம். றிஷாத் பிரதம அதிதியாகக் கலந்து கொண்டு நிகழ்வை சிறப்பித்தார்.


ஆசிரியர்களின் அர்ப்பணிப்பு, தியாகம் மற்றும் சேவையைப் பாராட்டும் வகையிலும், ஆசிரியர் சமூகத்தின் முக்கியத்துவத்தை எடுத்துரைக்கும் வகையிலும் ஏற்பாடு செய்யப்பட்ட இவ்வாசிரியர் தின நிகழ்வு இரண்டு முக்கிய கட்டங்களாக இடம்பெற்றது.


பயிலுனர் ஆசிரியைகளுக்கான விடுகை விழா


முதற்கட்டமாக, அட்டாளைச்சேனை கல்வியியல் கல்லூரியிலிருந்து கமு/கமு/அல்-அஸ்ஹர் வித்தியாலயத்திற்கு கட்டுறுப் பயிலுனர்களாக வருகை தந்து தமது பயிலுனர் காலத்தை வெற்றிகரமாக பூர்த்தி செய்த எதிர்கால ஆசிரியைகளுக்கான விடுகை விழா இடம்பெற்றது.


இதன்போது, பாடசாலையில் தமது பயிற்சிக் காலத்தில் மாணவர்களுடன் இணைந்து கற்றல், கற்பித்தல் செயற்பாடுகளில் ஈடுபட்ட பயிலுனர் ஆசிரியைகளுக்கு பாடசாலை சமூகத்தினால் பாராட்டு மற்றும் வாழ்த்துக்கள் தெரிவிக்கப்பட்டன.

அத்துடன், அவர்களுக்கு ஆசி வழங்கப்பட்டதோடு, எதிர்காலத்தில் சிறந்த ஆசிரியர்களாக உருவாகி மாணவர்களின் கல்வி மற்றும் ஆளுமை விருத்திக்கு சிறப்பான பங்களிப்பை வழங்க வேண்டும் என பாடசாலை அதிபர் ஏ.ஜீ.எம். றிஷாத் அறிவுரைகளையும் வழங்கினார்.


மேலும், பயிலுனர் ஆசிரியைகளின் அர்ப்பணிப்பையும் சேவையையும் பாராட்டும் வகையில் பாடசாலை ஆசிரியர்கள் ஒன்றிணைந்து பெறுமதிவாய்ந்த அன்பளிப்புக்களை வழங்கி அவர்களை கௌரவித்தனர்.


ஆசிரியர் தின விழா


இதனைத் தொடர்ந்து இரண்டாம் கட்டமாக ஆசிரியர் தின விழா சிறப்பாக நடைபெற்றது.

இதன்போது ஆசிரியர்களின் திறமைகளையும் கலை ஆற்றல்களையும் வெளிப்படுத்தும் வகையில் பல்வேறு கலை, கலாசார நிகழ்வுகள் இடம்பெற்றதுடன், ஆசிரியர்களின் உற்சாகத்தையும் சகோதரத்துவ உணர்வையும் மேலும் வலுப்படுத்தும் வகையில் பாரம்பரிய விளையாட்டுக்களும் ஏற்பாடு செய்யப்பட்டிருந்தன.


ஆசிரியர்களின் அன்றாட கல்விப் பணிகளுக்கு அப்பால் அவர்களுக்கிடையிலான நல்லுறவு, ஒற்றுமை மற்றும் மகிழ்ச்சியை வெளிப்படுத்தும் வகையில் இடம்பெற்ற இந்நிகழ்வுகள் அனைவரது கவனத்தையும் ஈர்த்தன.


இதன்போது, பாடசாலையின் கல்விச் செயற்பாடுகளிலும் மாணவர்களின் முன்னேற்றத்திலும் அர்ப்பணிப்புடன் பணியாற்றி வரும் ஆசிரியர்களை பாராட்டும் வகையில் பல்வேறு பரிசில்களும் அன்பளிப்புக்களும் பாடசாலை அதிபர் ஏ.ஜீ.எம். றிஷாத் அவர்களினால் வழங்கி கௌரவிக்கப்பட்டன.


ஆசிரியப் பணியின் பொறுப்பு குறித்து அதிபர் வலியுறுத்தல்

இந்நிகழ்வில் பிரதம அதிதியாகக் கலந்து சிறப்பித்த பாடசாலை அதிபர் ஏ.ஜீ.எம். றிஷாத் ஆற்றிய உரை ஆசிரியர்கள் மற்றும் நிகழ்வில் கலந்து கொண்ட அனைவரின் கவனத்தையும் ஈர்த்தது.

அவர் தனது உரையில், ஆசிரியப் பணியானது ஒரு சாதாரண தொழில் அல்ல என்றும், அது அறப்பணியாகவும் சமூகப் பொறுப்பு மிக்க பணியாகவும் அமைந்துள்ளது என்றும் தெரிவித்தார்.


ஆசிரியப் பணியை கொள்கையுடனும், பொறுப்புடனும், தியாக உணர்வுடனும் முன்னெடுக்க வேண்டியதன் அவசியத்தை வலியுறுத்திய அவர், ஒரு ஆசிரியர் மாணவர்களின் எதிர்காலத்தை உருவாக்குவதில் மிக முக்கியமான பங்கினை வகிப்பதாகவும் சுட்டிக்காட்டினார்.


மேலும், மாணவர்களுக்காக ஒதுக்கப்பட்ட நேரத்தை ஆசிரியர்கள் மிகவும் பொறுப்புடன் பயன்படுத்த வேண்டும் எனவும் அவர் தெரிவித்தார்.

“மாணவர்களிடமிருந்து எம்மால் உதாசீனப்படுத்தப்படும் ஒவ்வொரு நிமிடமும் அவர்களது வாழ்வில் பாரியதொரு பின்னடைவை ஏற்படுத்தும்” எனக் குறிப்பிட்ட அதிபர், மாணவர்களின் ஒவ்வொரு நிமிடமும் அவர்களது எதிர்காலத்துடன் தொடர்புடையது என்பதை ஆசிரியர்கள் உணர்ந்து செயற்பட வேண்டும் என வலியுறுத்தினார்.


ஆசிரியப் பணியின் தன்மையை எடுத்துரைத்த அதிபர், ஆசிரியப்பணி கூரிய வாளின் முனைக்கு ஒப்பானது எனவும் தெரிவித்தார்.

அதனை சரியான முறையில் பயன்படுத்தும்போது எதிர்பார்த்த சிறந்த விளைவுகளைப் பெற்றுக்கொள்ள முடியும். ஆனால், அதனை பொறுப்பின்றி கையாளும்போது எவ்வாறு வாள் ஆபத்தை ஏற்படுத்துமோ, அதேபோன்று ஆசிரியப் பொறுப்பை சரியாக நிறைவேற்றத் தவறினால் மாணவர்களின் எதிர்காலத்தில் பாரிய பாதிப்புகள் ஏற்படக்கூடும் எனவும் அவர் சுட்டிக்காட்டினார்.


எனவே, ஒவ்வொரு ஆசிரியரும் தமது பணியின் மகத்துவத்தையும் பொறுப்பையும் உணர்ந்து, மாணவர்களின் கல்வி, ஒழுக்கம், ஆளுமை மற்றும் எதிர்கால வாழ்க்கை முன்னேற்றத்தை இலக்காகக் கொண்டு அர்ப்பணிப்புடன் செயற்பட வேண்டும் எனவும் அதிபர் கேட்டுக்கொண்டார்.


ஆசிரியர்கள் தமது அறிவை மாணவர்களுடன் பகிர்ந்து கொள்வதுடன், அவர்களுக்கு நல்ல முன்மாதிரியாகவும் வழிகாட்டியாகவும் திகழ வேண்டும் என்றும் அவர் குறிப்பிட்டார்.


இந்நிகழ்வில் பாடசாலை ஆசிரியர்கள், பயிலுனர் ஆசிரியைகள் மற்றும் பாடசாலை சமூகத்தினர் கலந்து கொண்டு ஆசிரியர் தினக் கொண்டாட்டத்தை சிறப்பித்தனர்.


ஆசிரியர்களின் சேவையைப் பாராட்டுவதோடு, எதிர்கால ஆசிரியர்களை ஊக்குவிக்கும் வகையிலும் நடைபெற்ற இந்நிகழ்வு, அல்-அஸ்ஹர் வித்தியாலயத்தின் கல்விச் சமூகத்தில் முக்கியத்துவம் வாய்ந்த நிகழ்வாக அமைந்தது.


🌎 www.mihrajnews.com


✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்













SHARE

முக்கிய குறிப்பு :

எமது இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு எமது நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். =============================================================== உங்களது மேலான கருத்துக்களையும் ஆலோசனைகளையும் எதிர்பார்கிறோம் இந்த வலைதளம் வளாச்சிக்கு நிறை - குறைகளை சுட்டி காட்டவும் உங்கள் வருகைக்கு நன்றி.

Author: verified_user

0 comments: