பேராசிரியர் கே.எம். காதர் மொகிதீன் அவர்களின் புதல்வர் டாக்டர் கலீலுர் ரஹ்மான் மறைவு: எம்.எல்.ஏ.எம் ஹிஸ்புல்லாஹ் எம்.பி அனுதாபம்…!

 

🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰

✅👉  பேராசிரியர் கே.எம். காதர் மொகிதீன் அவர்களின் புதல்வர் டாக்டர் கலீலுர் ரஹ்மான் மறைவு: எம்.எல்.ஏ.எம் ஹிஸ்புல்லாஹ் எம்.பி அனுதாபம்…!

✍️ எஸ். சினீஸ் கான் 

𝐑𝐄𝐀𝐃 𝐌𝐎𝐑𝐄 👇👇👇………………………

✅👉  இந்திய யூனியன் முஸ்லிம் லீக் தேசியத் தலைவர் பேராசிரியர் கே.எம். காதர் மொகிதீன் அவர்களின் மூத்த புதல்வர் டாக்டர் கே.எம்.கே. கலீலுர் ரஹ்மான் அவர்கள் உடல்நலக் குறைவு காரணமாக காலமானார் என்ற துயரச் செய்தி அறிந்து ஆழ்ந்த கவலையும் வேதனையும் அடைந்தேன்.

மருத்துவத் துறையில் அர்ப்பணிப்புடன் பணியாற்றி, அறிவியல் ஆராய்ச்சிகளின் மூலம் மனிதகுலத்திற்கு பெரும் சேவையாற்றிய டாக்டர் கலீலுர் ரஹ்மான் அவர்களின் மறைவு, அவரது குடும்பத்தினருக்கு ஏற்பட்டுள்ள ஈடு செய்ய முடியாத பேரிழப்பாகும். அதேவேளை, மருத்துவ மற்றும் அறிவியல் துறைக்கும் இது ஒரு முக்கியமான இழப்பாகும்.

உயிரியல் மருத்துவத் துறையில் (Biomedical Science) சிறந்த ஆய்வாளராக விளங்கிய டாக்டர் கலீலுர் ரஹ்மான் அவர்கள், காசநோய் (Tuberculosis) உள்ளிட்ட பல்வேறு நோய்கள் தொடர்பான முக்கியமான ஆய்வுகளை மேற்கொண்டு மருத்துவ அறிவியலின் முன்னேற்றத்திற்கு குறிப்பிடத்தக்க பங்களிப்புகளை வழங்கியுள்ளார். அவரது அறிவியல் சேவையும், அர்ப்பணிப்பும் என்றும் நினைவுகூரப்படும்.

அன்பிற்குரிய பேராசிரியர் கே.எம். காதர் மொகிதீன் அவர்களுக்கும், அவரது குடும்பத்தினருக்கும், இந்திய யூனியன் முஸ்லிம் லீக் கட்சியின் உறுப்பினர்கள் மற்றும் ஆதரவாளர்களுக்கும் எனது ஆழ்ந்த இரங்கலையும் அனுதாபங்களையும் தெரிவித்துக் கொள்கிறேன்.

அன்னாரின் மறுமை வாழ்வு சிறக்கவும், அவரது நற்கருமங்களை இறைவன் ஏற்றுக் கொண்டு உயர்ந்த அந்தஸ்தை வழங்கவும் பிரார்த்திக்கின்றேன்.

கலாநிதி எம்.எல்.ஏ.எம். ஹிஸ்புல்லாஹ்

(பாராளுமன்ற உறுப்பினர்)

🌎 www.mihrajnews.com

✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்