கல்முனை ரஹ்மத் பவுண்டேசன் ஏற்பாட்டில் – பாடசாலை மாணவர்களுக்கு கற்றல் உபகரணங்கள் வழங்கி வைப்பு..!

 

𝐌𝐈𝐇𝐑𝐀𝐉 𝐍𝐄𝐖𝐒 𝐒𝐑𝐈 𝐋𝐀𝐍𝐊𝐀

கல்முனை ரஹ்மத் பவுண்டேசன் ஏற்பாட்டில் – பாடசாலை மாணவர்களுக்கு கற்றல் உபகரணங்கள் வழங்கி வைப்பு..!

ஏ.எஸ்.எம்.அர்ஹம்

𝐑𝐄𝐀𝐃 𝐌𝐎𝐑𝐄 ……..

கல்முனையில் சமூகப் பணிகளில் தொடர்ந்து தன்னை ஈடுபடுத்தி வரும் ரஹ்மத் பவுண்டேசன், தனது சமூகப் பொறுப்புணர்வின் தொடர்ச்சியான செயற்பாடாக மாணவர்களின் கல்வி முன்னேற்றத்தைக் கருத்தில் கொண்டு கற்றல் உபகரணங்கள் வழங்கும் நிகழ்வை இன்று (15) பவுண்டேசனின் அலுவலக வளாகத்தில் சிறப்பாக இடம்பெற்றது.

“ஒரு மாணவனின் கையில் ஒரு புத்தகம் வைத்தால், ஒரு சமூகத்தின் எதிர்காலத்தை ஒளிரச் செய்கிறோம்” என்ற உயர்ந்த எண்ணத்தோடு நடைபெற்ற இந்நிகழ்வு, இலங்கைக்கான பாகிஸ்தான் உயர்ஸ்தானிகர் அதிமெதகு பாஹிமுல் அஸீஸ் அவர்களின் அனுசரணையுடன் இடம்பெற்றது.

இந்நிகழ்வில் முன்னாள் கல்முனை மாநகரசபை பிரதி முதல்வரும் ஸ்ரீ லங்கா முஸ்லிம் காங்கிரஸின் பொருளாளரும், ரஹ்மத் பவுண்டேசன் ஸ்தாபக தலைவருமான ரஹ்மத் மன்சூர் அவர்கள் கலந்து கொண்டு, மாணவர்களுக்கு கற்றல் உபகரணங்களை நேரடியாக வழங்கி வைத்தார்.

மாணவர்கள் அறிவால் வளர வேண்டும் அறிவு வளர்ந்தால் சமூகமும் வளரும் என்ற அடிப்படைக் கருத்தை முன்னிறுத்தி இந்த உதவி நிகழ்வு முன்னெடுக்கப்பட்டது. கல்வி என்பது வெறும் தேர்ச்சி பெறுவதற்கான கருவி அல்ல; அது ஒருவரின் சிந்தனை திறனை விரிவாக்கி, நல்ல குடிமகனாக உருவாக்கும் ஒளிக்குயில் ஆகும். இவ்வுபகரணங்கள் மாணவர்களின் தினசரி கற்றலை எளிதாக்கி, அவர்களின் கல்விச் சாதனைகளை மேலும் உயர்த்தும் என்ற நம்பிக்கை நிகழ்வில் கலந்து கொண்டோரால் வலியுறுத்தப்பட்டது.

இளம் தலைமுறையின் கனவுகள் நனவாக வேண்டும் என்ற உயரிய நோக்கத்துடன், எதிர்காலத்தில் மேலும் பல கல்வி சார்ந்த சமூக சேவைகளை முன்னெடுக்க ரஹ்மத் பவுண்டேசன் உறுதியளித்துள்ளது.

இந்த நிகழ்வு, கல்வி மூலம் சமூக மாற்றத்தை உருவாக்கும் முயற்சியில் ஒரு அர்த்தமுள்ள படியாக அமைந்தது.

www.mihrajnews.com

ɴᴇᴡs ᴇᴅɪᴛᴏʀ எஸ்என்.ஹஸ்மி

✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்