🔰𝐌𝐈𝐇𝐑𝐀𝐉 𝐍𝐄𝐖𝐒✍️ 𝐒𝐑𝐈 𝐋𝐀𝐍𝐊𝐀🇱🇰
✅👉 ஶ்ரீ லங்கா முஸ்லிம் காங்கிரஸின் தேசிய பொருளாளர் ரஹ்மத் மன்சூர் அவர்களின் அழைப்பின் பேரில் விஜயம் மேற்கொண்ட மாலைதீவு பிரதிநிதிகளால் அட்டாளைச்சேனை பிரதேச மீனவர் சங்கத்திற்கு பொதுக்கிணறு வழங்கிவைப்பு..!
✍️ ஏ.எஸ்.எம்.அர்ஹம்
𝐑𝐄𝐀𝐃 𝐌𝐎𝐑𝐄 👇👇👇…………….
✅👉 ஶ்ரீ லங்கா முஸ்லிம் காங்கிரஸின் தேசிய பொருளாளரும், கல்முனை மாநகர முன்னாள் பிரதி முதல்வரும், கல்முனை ரஹ்மத் பவுண்டேசனின் ஸ்தாபகருமான ரஹ்மத் மன்சூர் அவர்களின் அழைப்பின் பேரில் கல்முனைக்கு விஜயம் செய்த மாலைதீவு பிரதிநிதிகளால், அட்டாளச்சேனை பிரதேசத்தின் அட்டாளைச்சேனை 8ம் பிரிவு மீனவர் சங்கத்திற்கு புதிதாக நிர்மாணிக்கப்பட்ட பொதுக்கிணறு உத்தியோகபூர்வமாக கையளிக்கப்பட்டது.
அட்டாளைச்சேனை 8ம் பிரிவு மீனவர் சங்க மக்களின் நீண்டகால அத்தியாவசிய தேவையாகக் காணப்பட்ட பொதுக்கிணறு தொடர்பில் கல்முனை ரஹ்மத் பவுண்டேசனிடம் கோரிக்கை விடுக்கப்பட்டிருந்தது. குறித்த கோரிக்கைக்கு அமைவாக, YWMA பேரவையின் ஒருங்கிணைப்பில், ரஹ்மத் மன்சூர் அவர்களின் வழிகாட்டுதலின் கீழ் மிகக் குறுகிய காலத்திற்குள் பொதுக்கிணறு நிர்மாணிக்கப்பட்டது.
இப்பொதுக்கிணற்றை திறந்து வைத்து மக்களின் பாவனைக்காக கையளிக்கும் நிகழ்வில், மாலைதீவைச் சேர்ந்த Neurodiversity Association Male அமைப்பின் இணை நிறுவுநர் (Co-Founder) Aminath Azeema அவர்கள் பிரதம அதிதியாக கலந்துகொண்டு கிணற்றை மீனவர் சங்கத்திடம் கையளித்தார்.
மேலும், சமூக நலச் செயற்பாடுகளின் ஒரு பகுதியாக பொதுமக்களுக்கு அரிசிப் பொதிகள் வழங்கும் நிகழ்வும் இதனுடன் இணைந்து நடைபெற்றது.
இந்நிகழ்வில் ரஹ்மத் பவுண்டேசன் உறுப்பினர்கள், பயனாளிகள், ஶ்ரீ லங்கா முஸ்லிம் காங்கிரஸின் அட்டாளைச்சேனை மத்திய குழுத் தலைவர் ஹலீம், அட்டாளைச்சேனை பிரதேச சபை உறுப்பினர்களான ஏ.சி. நியாஸ், அஸ்வர் சாலிஹ், மீனவர் சங்க உறுப்பினர்கள் மற்றும் பொதுமக்கள் எனப் பலர் கலந்துகொண்டு நிகழ்வை சிறப்பித்தனர்.
"மக்களின் தேவையை உணர்ந்து, குறுகிய காலத்திலேயே நிரந்தரத் தீர்வை வழங்கும் சேவையே உண்மையான சமூகப் பணி."
✒️ ɴᴇᴡs ᴇᴅɪᴛᴏʀ எஸ்என்.ஹஸ்மி
✒️ 𝚆𝚎𝚋 𝙴𝚍𝚒𝚝𝚘𝚛 ஏ.எஸ்.எம்.அர்ஹம்
0 comments: